2017年8月13日 星期日

想睇阿倫仔仔個樣 阿Sam:聽聞好靚仔 __,阿Sa,譚詠麟,阿倫,許冠傑,Sam,蔡卓妍,

阿Sam都好奇想睇吓倫仔個樣。歌神許冠傑(阿Sam)與樂壇校長譚詠麟(阿倫)在紅館舉行演唱會,完騷後接受後台訪問時,校長指演唱會期間同歌迷握手時,因為 ...


阿Sam都好奇想睇吓倫仔個樣。

歌神許冠傑(阿Sam)與樂壇校長譚詠麟(阿倫)在紅館舉行演唱會,完騷後接受後台訪問時,校長指演唱會期間同歌迷握手時,因為歌迷捉得太實,保安人員拉開歌迷啲手嘅時候,不慎整損右手手背。談到23:59才完騷,校長笑言:「大鑊喇,其實11點半就開始罰,每5分鐘就唔知幾多倍,好似台灣牌咁。(聽日會cut歌?)聽日冇嘉賓,所以會短啲。」而Sam就話因為兩人太多歌,唱極都唱唔晒,在旁的校長就笑言可以唱足7日,亦指演唱會嘅歌都會不停有改變,會唱啲平時少唱嘅歌。提到甩嘴有啲蝦碌,校長坦言實會有蝦碌情況,因為現場人聲實在太嘈,連音樂都聽唔到。談到剛才喺台上好感觸,校長指自己保守呢個秘密好多年,更叫Sam唔好介意:「嗰時好擔心,我安慰番佢阿哥(許冠文),我同佢講Sam一定掂,畀啲時間佢。」Sam就笑言:「終於唔死得。(你爆阿倫唔認老?)最緊要啲觀眾笑嘅啫。」

唔怕流感堅持錫嘴

至於問到校長會否畀Sam睇自己仔仔個樣,他說:「私底下會畀佢睇,唔使公開嘅。(睇咗未?)都唔喺香港。」Sam笑言只係見到背脊:「你擺上網㗎嘛!」校長聞言即話:「幻覺嚟嘅!」問到Sam想唔想睇校長仔仔個樣,他笑言:「聽聞好靚仔。」另外,問到仔仔畢業後,校長係咪會打本畀仔仔開公司:「都唔知你講乜。(唔畀佢溝鬼妹? )又嚟?仲嚟?唔知呀,要睇睇有咩需要,佢依家出嚟社會做緊嘢㗎啦,多謝關心。」另外,提到係咪因為流感而唔同歌迷錫嘴,校長話:「錫完之後有菌帶畀第二個咪唔好囉。」而Sam就話唔怕,因為貓王都會錫歌迷,校長就搞笑指Sam有貓王抗體。問到會否怕歌迷投訴?Sam謂:「冇喎,唔覺。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...