掃呢頁CODE去手機

2017年9月21日 星期四

被撩影裸照寫真 激罕師奶變型姐 半百劉玉翠性感冇限耆 [壹週刊 - 1437] __,裸照,劉玉翠,M1,

五十歲的劉玉翠,首度公開keep得唔錯的身材,型味十足,證明心境年輕,半百可以未見老態。探熱針被撩影裸照寫真 激罕師奶變型姐 半百劉玉翠性感冇限耆自稱 ...






五十歲的劉玉翠,首度公開 keep得唔錯的身材,型味十足,證明心境年輕,半百可以未見老態。

探熱針

被撩影裸照寫真 激罕師奶變型姐 半百劉玉翠性感冇限耆

自稱係西貢師奶的劉玉翠近日忽然一招性感突襲,加上「襟老」外形,五十歲師奶一樣型得起。

唔好睇小半百劉玉翠的魅力!冇 D cup身材,仍有專業攝影師主動敲門,找她影裸照寫真,不過心口未勇到呢個境界,劉玉翠說:「多謝佢睇得起我。」

越南影寫真

入行廿七年,一直守身如玉的劉玉翠,選擇在五十歲「高齡」首度公開三點式,童顏冇巨乳,雖沒 CDE級澎湃,但勝在健康自然,熟婦式性感,一樣有 S形線條。

呢鋪半百激罕,劉玉翠在越南拍攝,由家姐及姨甥女操刀,性感照後冇任何後路鋪排。在地球另一角落行性感,五十歲劉玉翠有原因。「呢次同兩個家姐及姨甥女去旅行,佢哋一見我著三點,都舉腳贊成影番輯相。其實我好貪靚,只係過往我演嘅角色唔係師奶就係搞笑,冇機會俾我靚吓。其實我想影健康性感相好耐,以前我比較多顧慮,怕人家唔知點睇我,錯過咗影呢啲相最靚嘅時光。」她說。





劉玉翠自言好貪靚,只是在幕前演的多是樸素師奶,美色冇得發揮。





半世人最勇猛之作,交俾姨甥女為她操刀。





堅係波濤洶湧

呢張相,劉玉翠註明「波濤洶湧」,不過唔係佢,係面前啲浪!





一直走型格的她,之前為咪咪姐個唱任嘉賓,染了一頭紫髮,反應好。





年輕時唔敢三點式示眾,極其量都係吊帶背心。當年出唱片,袁潔瑩是同期樂壇新人。





在電影《五個小孩的校長》演平凡師奶,現實中是屢有破格的女人。





早前拍內地劇《楚喬傳》,雖是客串但受歡迎。

年齡只係一個數字





跟《鹿鼎記》中幾個「老婆」不時開心 gathering,當中有幾多個係逆齡中女。

破格性感,半世人最勇猛之作。劉玉翠說:「年紀愈大,愈嚟愈覺得年齡只係一個數字,唔代表你老,或好多限制,反而內心多咗份自由,我要活出精彩嘅人生下半場,所以性感冇限耆,不過係耆英個耆,哈哈!

「唔影響人之下想做就做,令自己靚啲冇錯㗎,所以一路將自己扮靚啲,開始 keep fit,花咗一年時間減磅。泳裝 look公開,事前有問過男友意見,佢話:『件事係靚,做』。」

邀影裸照有心動





劉玉翠在《演說家》比賽節目,公開多謝一起超過二十年的男友 Leo,二人雖欠一張婚書,但儼如夫妻。

更加估唔到,半百劉玉翠有市場!其 body除男友識欣賞,前年更有攝影師敲門邀她拍攝裸照放影展。「我做完《我是演說家》,有日一個幫過 artist影相嘅專業攝影師 Facebook私訊我,問我接唔接受到影裸照,雖然嗰刻真係有少少心動,裸照唔一定暴露,都可以有美感,但最後都係過唔到自己嗰關就推咗,不過我都多謝佢咁睇得起我。」劉玉翠說。

愛破格•屢創先河

忽然性感,半百劉玉翠夠突破!事實上,她向來愛破格,屢創娛樂圈先河。





抑鬱康復後,劉玉翠近年注重養生,勤做瑜伽及跳舞,又食得清淡健康,每晚少油少鹽少分量的晚餐,半年時間令身材回復輕盈,故決定留影五十歲的性感。

首創 連奪新人女配

90年入行拍處女電影《廟街皇后》,創紀錄憑該片連奪金像獎「最佳女配角」和「最佳新人獎」兩項殊榮,前無古人。

首個 大台剃頭花旦

剃頭拍劇集《布袋和尚》,成為大台首個光頭女藝員。劉玉翠表示當年覺得光頭女歌手 Sinead O'connor好型,所以勇於嘗試。

首位 華裔女性探韓松洞

13年劉玉翠為 HKTV拍旅遊特輯,成為全球首個女性華人,攀山涉水征服世界上最大、極度危險的天然洞穴韓松洞。

首名 藝人登《我是演說家》

內地真人騷《我是演說家》向來找素人登場, 15年劉玉翠成為首位在節目中剖白心聲的藝人,評判之一的張衞健見她站在台上也目瞪口呆。

患抑鬱症想轉行

03年拍處境喜劇《皆大歡喜》,諷刺地卻處理不了自己的情緒,患上抑鬱症,更試過驚恐突襲。劉玉翠坦言當時覺得供樓壓力很大,加上自覺怎樣拼命,事業也沒有突破。

「我羨慕、嫉妒、害怕、憤怒,然後抗拒演戲,最後得了抑鬱症。」她說。經過兩年治療,她才康復,一度想轉行的她,心結解開後,明白自己是演員,不是明星,責任就是把戲演好,享受每一次開工的氣氛,因而再次對演戲有熱誠。





03年拍《皆大歡喜》患抑鬱。





康復後報讀順勢療法,身心靈搵出口。

勇猛熟婦

除劉玉翠外,也有其他圈中熟婦,在年約半百時仍不甘平淡,為自己帶來突破。勇猛非常,令人佩服!

51歲羅霖

凍齡美魔女羅霖樣貌身材仍然大把貨,前年出寫真弗過𡃁模,現在短褲少女 look亦絕不趕客。難怪細她 20年的內地富二代男友王嶠癡心情長劍,誓要娶她入門,羅霖話會開始跟他計劃人生大事,不抗拒再婚。

70歲汪明荃

向來愛挑戰的阿姐, 94年台慶,以 47之齡黑絲噴血內衣 look演繹《熱咖啡》,嚴肅阿姐轉行性感,全城叫好。近年開演唱會,阿姐繼續以吊帶黑絲、內衣上陣,真正性感冇限「耆」。

撰文、攝影、攝錄:娛樂組


鍾意就快D Share啦!