掃呢頁CODE去手機

2017年12月16日 星期六

【媽媽有外遇與父相依為命】患重型地中海貧血 C君:唔覺好辛苦 __,C君,

組合農夫近年喺大台嘅曝光率奇高,陸永同C君(鄭詩君)分開拍劇,轉個頭又會喺綜藝節目合體做主持,拍住嘟姐鄭裕玲做《Do姐再Shopping》,C君喺節目 ...


組合農夫近年喺大台嘅曝光率奇高,陸永同C君(鄭詩君)分開拍劇,轉個頭又會喺綜藝節目合體做主持,拍住嘟姐鄭裕玲做《Do姐再Shopping》,C君喺節目入面玩食字兼狂窒嘟姐鄭裕玲,有唔少觀眾話睇得好過癮。

查實C君出世嗰陣已經患有重型地中海貧血,每個月都要入院輸血,而佢喺14歲嗰年,曾經拍過宣傳片,嗰陣講到自己個病,佢話:「人哋個個放學可以去打波,我要返嚟(醫院)配血,真係幾煩,不過唔辛苦,唔返嚟輸血會死喎,咁梗係返嚟喇!」呢段短片噚日亦喺網上被瘋傳,唔少網民留言鼓勵!

今日亦都有周刊報道,C君喺訪問提到呢個病,佢話因為父母都有地中海貧血病源,結果遺傳咗俾佢,嗰陣嘅醫學唔係咁昌明,所以日日都要出入醫院打針,又成日去醫院輸血,好彩醫院方面好配合,因為每次去醫院輸血都要10個鐘,所以盡量揀啲唔使返學嘅日子,到咗O依家因為本身工作時間唔固定,所以安排可以彈性啲,如果情況許可,唔使4星期就返去輸血,而且仲可以約定下次覆診日子。

C君話就算自己要終生輸血,唔會覺得有呢個病覺得好辛苦,起碼可以做自己鍾意嘅嘢。C君喺訪問亦提到身世,原來喺4、5歲嘅時候,媽媽因為有外遇而同爸爸離婚,佢同爸爸相依為命咗幾年之後,爸爸識咗第二個女人,冇耐仲結埋婚,雖然爸爸已經離開咗,但係同C君同繼母嘅關係都好好,到O依家仲有聯絡。C君仲話知道生母已經有另一個家庭,不過佢話嗰陣年紀仲好細,已經忘記生母係乜嘢樣,所以點會嬲佢?

更多娛聞,喺晒《娛果》

http://fb.com/appledailyent

C君喺14歲嗰年,曾經接受訪問講自己個病。(網上截圖) 近年C君喺電視發展好好。(資料圖片) (資料圖片)

鍾意就快D Share啦!