掃呢頁CODE去手機

2018年2月22日 星期四

火鳥林欣彤 [壹週刊 - 1459 - 生活] __,林欣彤,M1,

豪語錄火鳥林欣彤10年,林欣彤參加《超級巨聲2》,贏得冠軍,有「小巨肺」之稱。11年,她簽約英皇唱片,拍電影、出唱片、開音樂會,有名、有利,但不快樂。 ...






豪語錄

火鳥林欣彤

10年,

林欣彤參加《超級巨聲 2》,贏得冠軍,

有「小巨肺」之稱。

11年,

她簽約英皇唱片,拍電影、出唱片、開音樂會,

有名、有利,但不快樂。

12年,

失聲兼壓力爆煲,當時的她只得 22歲,患上抑鬱兼厭食症,

體重只得 80磅,我見猶憐。

這些年,

她走過人生的高山低谷,從無數個黑洞又出又入,

今日的林欣彤,戰勝黑暗,如像火鳥在洪爐內一樣,浴火重生。

歌迷無了期等待

林欣彤( Mag)於一○年入行,贏了無綫主辦的歌唱比賽節目《超級巨聲 2》,挾着小巨肺外號得到力捧,翌年簽約英皇娛樂,處女碟得到白金成績,廣告代言、電影女主角、開音樂會等,風頭一時無兩。 Mag的事業平步青雲,以為香港樂壇多了一位天后接班人,卻傳來她失聲,甚至患上抑鬱及厭食症。一五年滿約英皇, Mag選擇了真空一年,直到一六年,才簽約王祖藍旗下的手工藝創作。眼前的 Mag,精神比起幾年前飽滿,狀態很 fit,似乎已「重生」,新歌《忍》已在熱播。

看來她已 ready回歸樂壇,她說:「一直以嚟,除咗有一段時間真係唱唔到歌之外,其實時時刻刻我都已經 ready可以唱好多好歌俾大家聽,有一樣嘢好感動,就係前排可能我拍緊劇,又或者有啲時間喺音樂上無咁活躍,但係我嘅樂迷歌迷都依然時時刻刻咁等緊我,所以其中一個一定要繼續唱歌,要堅持落去嘅原因都係因為佢哋!」 Mag的眼神很堅定,令她繼續行下去,原動力來自歌迷。





10年, Mag參加無綫主辦的《超級巨聲 2》

得冠軍,當時的她,有「小巨肺」之稱。

來回地獄又折返人間

患抑鬱及厭食症時候, Mag只得廿二歲,由人生的事業高峰,一下子跌落谷底,經歷過健康、事業的高山低谷,這五年來,來回過地獄現在終於又折返人間, Mag有得著嗎?「我真係好深信所有苦難都係祝福嚟嘅,因為我經歷低潮嘅時間,反而覺得係生命中感受愛嘅最大機會,因為經歷低潮時嘅我都一定唔會可愛,但係佢哋依然愛我,依然留守喺我身邊,呢啲所有都係禮物,同埋我覺得一個人有軟弱,先有機會去磨練令自己變強,所以我身上所有嘅軟弱,其實都係上天俾我一個機會,『 Mag你要強,首先要經歷軟弱,你唔係天生強,你嘅強係靠你自己力量得嚟』,所以





Mag一出道便很受樂迷歡迎, 11年,她簽約英皇娛樂,第一隻碟便已有白金銷量。





好景不常, 12年 Mag因太大壓力搞到失聲,令她患上抑鬱及厭食症,體重跌到得八十磅。

所有難關我都覺得係時候要變得強啲。」要重生,必先要自強,沒有怨天尤人,「反而我會覺得以自己智慧,未必洞悉到究竟上天安排,背後原因係點解?我覺得嗰啲苦難或者考驗,係個天故意嘅,佢俾我感受晒一刻得到好多嘢,同埋一刻無咗好多嘢嘅時候,人嘅狀態係點,所以覺得經歷咗呢啲時刻之後嘅我,更加知道自己想要啲乜嘢。」 Mag表示剛剛出道時,很多機會唾手可得,反而當時的她很迷惘,不知道自己想要什麼,「嗰時嘅我反而唔知自己究竟想要啲乜嘢,會唔會純粹為咗名利去加入呢個圈?嗰一刻係得到好多,但係之後當失聲或者病嘅時候,當我

無晒一切嘅時候,然後再逐步逐步行番出嚟,反而真係知道自己想要啲乜嘢,我想要嘅唔係幸運帶俾我嘅一切,係好享受嗰啲靠自己一步一步,好腳踏實地咁行番出嚟嘅成果。我作為公眾人物遇到苦難嘅使命,就係我要喺香港人面前經過佢,要戰勝佢,又或者要擁抱我嘅困難。」作為一個經歷過情緒有問題、失聲,或者某一啲低潮嘅公眾人物, Mag一直很努力生存繼續追求夢想,就是想大家知道:『我得,你都得!』

身邊戰友全是學習對象

今年廿七歲的 Mag,還很年輕,過去的低潮,成就了今日更堅強的她,慶幸每次她想放棄的時候,身邊的每個人總給她愛的力量,令她可以撐下去,「好坦白講,我諗每一個人喺堅持嘅過程中,都可能有放棄嘅念頭,如果唔係就唔使堅持,堅持就因為你可能想放棄,但我又好慶幸有時好軟弱嘅時候,就係靠身邊愛我嘅人,佢哋撐住我,所以我覺得呢一刻有嘅所有成就,或者之後將會有嘅每一個收穫,唔係我一個人得嚟,係靠住身邊所有人俾我嘅力量,佢哋每一個人都有份。」 Mag今日可以與筆者笑住講過去,因為她已得到很多,滿足現狀,「好慶幸一切發生過嘅事





我作為公眾人物遇到苦難嘅使命,就係我要喺香港人面前經過佢,要戰勝佢,又或者要擁抱我嘅困難。





我遇過嘅每一個人,喺嗰個 timing出現,佢其實都一定有成就我,或者喺我生命中種下某啲美麗嘅種子。

,係真嘅,無論係難過嘅,又或者係純粹好快樂,所有嘢都好慶幸發生過,因為成就咗今日嘅我,今日嘅我係好鍾意呢一刻嘅自己。」 Mag感激歌迷的不離不棄,朋友無私的愛更令她感動,她說:「身邊戰友其實都係我好好嘅學習對象,其實唔只許廷鏗、鄭欣宜,總之見到喺同一個行業嘅歌手們,喺台上發亮或者感動到我嘅時候,我都覺得好慶幸自己係一分子,因為我覺得喺呢個地方可以做到呢件事,雖然喺台上講一段說話,或者唱一首歌,無直接去用手扶住有需要幫助嘅人,但我就直接喺核心個位,即係佢嘅心靈上面打咗支強心針,因為我都係成日被打強心針

嘅一個聽眾,雖然我係一個歌手,但我亦都係不斷受呢個圈所有音樂人影響嘅其中一位,所以好開心可以喺一個由細到大都夢想做嘅行業裡面,發揮自己嘅用處。」 Mag的思想很成熟,與她交談可以很直接,不用轉彎抹角,難怪身邊有多位好朋友。

感激與我相愛過的人

在 Mag與抑鬱抗戰時,當時她身邊有男友羅孝勇支持,可惜感情捱不過三年,二人於一三年分手, Mag與他還有聯絡嗎?「而家少咗好多。」筆者一直認為他們很相襯,而且一起經歷過不少難關,分手是 timing問題嗎?「我唔知咩叫做啱定唔啱嘅 timing,又或者其實嗰個人一定要同你行到最後,佢先應該出現,我覺得唔係咁,所有嘢都有佢嘅原因,有佢嘅果,我遇過嘅每一個人,喺嗰個 timing出現,佢其實都一定有成就我,或者喺我生命中種下某啲美麗嘅種子,所以我唔會話,因為而家唔可以繼續行落去,而覺得我哋錯 timing,唔係囉,我都好感激遇過每一個同我相愛過嘅人。」

Mag小時候最希望自己可以早點結婚,有個屬於自己的家庭,「以前譬如定咗幾多歲結婚、幾多歲生仔,已經過晒,所以而家已經無好想快啲結婚生仔,我覺得唔可以咁樣諗,唔係我想就有,所以隨緣啦,而家其中一個生活態度就係活在當下,如果呢一刻係單身,呢一刻未結婚生仔,就享受吓單身生活。」談過多次戀愛的 Mag,對愛情仍有憧憬嗎?「點都會有嘅,我相信好多單身人士都應該會有,有時都會想有個人,譬如想食 pancake時,打個電話就即刻出嚟陪我,或者有人接收工,我又接吓人收工呢啲溫馨嘢。」 Mag說。





跌入谷底的 Mag,多年來幸好身邊有班好友支持。





滿約英皇娛樂後, Mag做了一年的自由身,直到 16年才簽約王祖藍旗下。

起題為火鳥

筆者睇住 Mag參賽得冠軍再簽英皇,失聲、抑鬱兼厭食症,今次訪問, feel到她已叉滿電,加埋新歌《忍》,知道 Mag已重生。其實同 Mag做完訪問後,每次諗點去寫這篇訪問,《火鳥》這首歌總會在腦內播出,特別是這兩句歌詞⋯⋯「如像火鳥在洪爐內花瓣在懸崖上躍下才可再生」

「今天火鳥在洪爐外飛舞在懸崖上看雲裡有星」

撰文:海 山 攝影:黃志明 

髮型: Terry yeung@corner 服裝提供: Rococo 場地提供:草民 café


鍾意就快D Share啦!