DJ阿檸（左）為袁偉豪抱不平之餘，又大爆自己亦有受氣！
唔少人昨日去睇《復仇者聯盟3：無限之戰》都搞到一肚氣，繼網民遇着戲院hang機、袁偉豪被一位自稱行內人嘅網友話佢冇禮貌之後，DJ阿檸今日亦都喺社交網分享咗佢遇到嘅事迹。阿檸喺FB發表長文，佢首先講番袁偉豪嘅食薯片事件，不過佢就話成件事都與佢冇關，而佢要講嘅就係同呢位「行內人」嘅風波。
阿檸喺文中就話「明白睇戲時俾（畀）人窒一窒嘅感覺，係幾咁唔好受」，事關阿檸睇戲嘅時候一直都係挨住個座位，不過去到一啲緊張情節嘅時候，佢就好自然坐到烏前個人去睇，阿檸仲話當時大概坐高咗5cm左右，點知問題就嚟喇！阿檸話：「喺我正後方嘅哩（呢）位非二打六嘅師兄都即刻叫我坐底…」其實大家入場睇戲都係為咗開心啫，阿檸都唔想同佢嘈，所以佢就選擇「坐得勁Hea咁」睇晒成套戲，阿檸仲話：「點知出字幕嘅時候佢好嬲，話人睥佢又剩，我以為佢講我頭先望佢嗰下，哦，原來唔係，個心當堂安樂晒！」
之後阿檸都忍唔住講咗幾句公道說話：「即係原來都係咁啫，真係純粹因為你真係nobody，網上公審人就點講都得，大明星問你少少嘢又講晒唔好意思又剩都係一種冒犯，套戲都未完場大家等緊彩蛋嘅時候，你係咁喺度話識人老鼠，又好騷擾咁大大聲問候人又點計？」
而袁偉豪亦都喺阿檸嘅長文下留言：「我也目到！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
